لان الفشل العاطفى اصبح من سمات العصر واصبح لافرق فى ذلك بين الشباب والفتيات وكما كتبنا قبل ذلك نصائحئنا المتواضعه للشباب نسجل اليوم فى هذا الموضوع نصائحنا للفتيات والناتجه عن دراسات عميقه ومستفيضه اثبتت نجاحها وحتى لا اطيل فسابدء فى سرد هذه النصائح على الفور .
فى البدايه نصيحتى ان تكونى عنيده عنيده جدا ودماغك جزمه قديمه ...مشى رائيك دايما ..صدقينى الطريقه دى هتنفع اوى عارفه ليه لانه دايما هيكون عايز يكسر دماغك الناشفه ويقضى على عنادك وانتى بقى اوعى تتنازلى عن عنادك وراسك الناشفه لانها دايما هتكون عقدته اللى هيتمسك بيكى عشانها .
النصيحه التانيه _ابتعدى عن لحظات الرومانسيه ...ياعنى لما يكون بيسبل لك اوعى تجاريه وتخليه يعيش اللحظه افسديها عليه لان كتر الرومانسيه مضر بالعلاقه ..لان الشاب مننا ياختى لما بياخد غرضه _اقصد عاطفيا ياعنى محدش يفهمنى غلط _الموضوع بيهدا وبيبقى عادى قال الكلمتين وبص البصتين ومثل كل مشاهد الحب اللى شافها فى سينما الدرجه التاته اللى بيروحها وخلاص ...لا تتركى له هذه الفرصه سانحه له ليتمنظر عليكى ويبان انه واد حبيب ومقطع السمكه وديلها ..خليه دايما حاسس انه مبيعرفش يحب عشان مياخدش مقلب فى نفسه ...وعيشى انتى الرومانسيه مع نفسك ياعنى لما تكونى لوحدك افتكرى كل كلامه الرومانسى قبل ما تكبسيه وتلبيسيلوه الوش الخشب .
النصيحه التالته _ياريت تكونى بتشجعى النادى المنافس للنادى اللى بيشجعه وافضلى ذليه بقى لما فريقوا يخسر .
النصيحه الرابعه _من وقت للتانى ابديله اعجابك بالمطرب الفلانى والممثل العلانى لانه اكيد مش شبه احمد عز ياعنى
واخيرا اتمنى ان تسهم هذه النصائح فى انجاح العلاقه العاطفيه لكى سيدتى حتى لو اكتر من شهرين وهو انتى طايله اصلا ......
موضوع: نصائح ذهبيه للبنات لنجاح العلاقه العاطفيه 
السبت نوفمبر 10, 2007 2:42 am
