[size=12
][/size]
:{}
الخطاءالاول -لازم تعرف ان لكل بنت دخلتها والطريقه اللى تنفع مع واحد ممكن متنفعش مع غيرها فياريت لو تبطل الطرق التقليديه بتاعه ممكن اعرف بنفسى ونبقى اصحاب او انك تسالها على حاجه السؤال عنها غير منطقى ده تفهمه انه تلاكيك ومش لطيف ليك
خالص لو حست انك بتحاول تستظرف عشان تشد انتبهها خليك طبيعى وتقيل فى الاول .
الخطاء الثانى -شغل المراهقين بتاع التسبيل ده كان ينفع زمان ده دلوقت بيخنق البنت وبيحسسها انها متراقبه البنت دلوقت تحب انك تكون جرىء بس مش قليل الادب يعنى من الاخر يا تعبر عن اللى جواك ناحيتها يا تكبر دماغك ولو اتصورت انها هتبتدى بالتصريح يبقى بتحلم .
الخطء التالت -متحاولش تجيب نمره موبايلها من اى حته وتفضل تشتغلها ماسجات ورنات لحد ما تتجنن او تتروش وفى الحاله دى ياما تغير الرقم ياما تغرم مكالمه ليك تشتمك فيها ويبقى منظرك ملوخيه خالص من الاخر رقمها خدوا منها واصبر لما هى تبتدى بالاتصال .
الخطاء الرابع -الخيبه الجامده بقى لو عملت زى الافلام العربى ورحت لبنت تعرفها بشكل سطحى وخبط لزق قلتلها انك معجب بيها وبتحبها هتاخد ساعتها الرد السخن وهتلبسلك الوش الخشب يامعلم وتتكبس وتغنى ظلموه لانها هتظن انك افتكرتها سهله المنال وده هيوجع كرامتها اوى لازم تستنى اشاره او تلميح من يمتها وبعدين خفيف خفيف متفتكرش نفسك رشدى اباظه ياعنى وانها مفروض تتسحر بنظره عينيك الناريه .
الخطاء الخامس -من اللذيذ انك تبقى خفيف الظل بس مش لدرجه الهيافه خلى بالك البنت تموت فى الواد التقيل الراكز بس برضه مش لدرجه البرود يعنى اعرف امتى تهزر وامتى تبقى جد بس اوعى حسك عينك انك تهزر عليها او على شىء هى بتحبه لان كده مش ظريف وهتحس انك بتتريق عليها يامعلم انا قلت وانت حر .
واخيرا اتمنى لكل الشباب الجامدين كل التوفيق مع البنات الحلوين والموضوع القادم هيكون العكس واشكركم لحسن متابعتكم واتمنى ترك رد ايا كان رائيك فانا سعيد بيه .هانى
.
موضوع: 5 اخطاء يقع فيها الشباب الجامدين ف التعامل مع البنات الحلوين 
الأحد أكتوبر 28, 2007 12:50 am
